Өнөөдөр
Монгол улсын Ерөнхийлөгчийн зарлигаар Эх үрсийн баярыг тохиолдуулан
олон хүүхэд төрүүлж өсгөн хүмүүжүүлсэн эхчүүдэд “Алдарт эх” одон
гардуулах ёслолын үйл ажиллагаа боллоо. Аймгийн хэмжээнд “Алдарт эх”-ийн
I, II одонгоор нийт 165 эхчүүд энгэрээ мялаасан ба 6 хүүхэд төрүүлж
өсгөсөн “Алдарт эх”ийн I одонт 12 ээж байв.
Энэхүү эрхэм хүндтэй шагналыг аймгийн ИТХ-ын дарга П.Пүрэвлхагва,
аймгийн Засаг дарга Д.Батлут, аймгийн ИТХ-ын Тэргүүлэгч, аймгийн Засаг
даргын орлогч А.Түвшинжаргал, аймгийн ИТХ-ын Тэргүүлэгч, аймгийн Засаг
даргын орлогч С.Батжаргал, аймгийн ИТХ-ын Тэргүүлэгч Д.Бүүвэйбаатар,
Д.Дэлгэрбаяр, Эрхбаатар, Д.Эрдэнэбат нар гардуулан өгч баяр хүргэлээ.
Энэ жил “Алдарт эх” одонгоор энгэрээ мялаасан эхчүүдийн хамгийн залуу нь 26, ахмад нь 55 настай эхчүүд байсан юм.
