Мал хулгайлах гэмт хэргийн гаралтыг бууруулах, урьдчилан сэргийлэх ажлыг эрчимжүүлэх энэ төрлийн гэмт хэрэгтэй тэмцэхэд тулгарч байгаа асуудлыг шийдвэрлэх, бүлэг нөхөрлөл, иргэдийн оролцоог нэмэгдүүлэх зорилгоор “Мал хулгайлах гэмт хэргээс урьдчилан сэргийлэх” сэдэвт малчдын бүлэг нөхөрлөлийн гишүүдийн уулзалт, зөвлөгөөн Увс аймагт анх удаагаа зохион байгуулагдлаа.

Тус зөвлөгөөний үр дүнд мал хулгайлах гэмт хэргээс урьдчилан сэргийлэх ажилд бүлэг нөхөрлөл, иргэдийн оролцоог нэмэгдүүлэх, бүлэг нөхөрлөлийн гишүүдээр дамжуулж хууль сурталчлах ажлыг зохион байгуулах талаар мэдээлэл өглөө.

Мөн мал хулгайлах гэмт хэргийн өнөөгийн байдал, шийдвэрлэх арга зам, ЦГ-ын гэмт хэрэг, зөрчлөөс урьдчилан сэргийлэх онцлог ажлууд, иргэдийн оролцоо, мал эмнэлэгийн гэрчилгээний загвар хэрэглэх заавар гэх мэтчилэн малчдын бүлэг нөхөрлөлд хэрэгцээтэй бүхий л мэдээ мэдээллийг хүргэхийн зэрэгцээ малчдын санал хүсэлтийг сонсож, хамтран ажиллах нөхцлийг сайжруулсан үр дүнтэй зөвлөгөөн боллоо.