2019 оны 05 дугаар сарын 14-ний өдрийн Эрчим хүчний салбарын ерөнхий инженерүүдийн хурлаар "Төвийн бүсийн нэгдсэн сүлжээний 2019 оны зуны бага ачааллын горим" баталсан графикийн дагуу ДДЦС ТӨХК-ийн тоног төхөөрөмжийн найдвартай ажиллагаа болон 2019-2020 оны өвлийн бэлтгэл хангах, 35МВт-ын турбины өргөтгөл, төслийн ажилтай холбогдуулан ээлжит бүрэн зогсолтыг 2019 оны 05 дугаар сарын 27-ны 00:00 цагаас 05 дугаар сарын 30-ны 24:00 цаг хүртэл хийнэ. Үүнтэй холбоотой 4 хоногийн хугацаатай хэрэгцээний халуун усаар хангахгүй болохыг ДДЦС ТӨХК-иас мэдэгдлээ.