ГУРВАНТЭС СУМЫН АЙМГИЙН АВАРГА МАЛЧИН ӨРХҮҮДЭД ШАГНАЛ ГАРДУУЛАВ.

Өмнөговь аймгийн хэмжээнд 6100 малчин өрх байдаг. Тэдний нөр их хөдөлмөр, малч арга ухааны үр шимээр манай аймаг 3.0 сая толгой мал сүрэгтэй болжээ. Монголын үндэсний баялаг мал сүргээ таван төрлөөр нь өсгөж үр шимийг нь нэмэгдүүлж залуусыг малжуулахад үнэтэй хувь нэмэр оруулсан Гурвантэс сумын Гоёот багийн малчин И.Отгонбаатар, С.Ойдов, Баясах багийн малчин А.Мөнх, А.Шинэ-Оргил нарын гэр бүл 2019 онд “АЙМГИЙН АВАРГА МАЛЧИН ӨРХ”-ийн болзол хангасан байна. Малч, хөдөлмөрч Гурвантэс сумын малчиддаа шагналыг нь гардуулж хүндэтгэл үзүүлэв.