Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 29.1.1 дүгээр зүйлийн “г”  дэх заалт, Статистикийн тухай хуулийн 7 дугаар зүйлийн “в” дахь заалт,  Засгийн газрын 2020 оны  208 дугаар тогтоол, 209 дугаар тогтоолуудыг үндэслэн аймгийн Засаг даргын 2020 оны 12-р сарын 14-ний А/949 дугаар захирамжаар  аймгийн мал, тэжээвэр амьтдын тооллогын комиссыг шинэчлэн баталлаа.  Аймгийн мал, тэжээвэр амьтдын тооллогын комиссын дарга, аймгийн орлогч дарга Ж.Александр тооллогын комиссын анхны хуралдааныг нээж явууллаа. Хуралдаанаар:

Аймгийн хэмжээнд мал, тэжээвэр амьтдын тооллогын  товыг 2020.12.17-2020.12.27  өдрүүдэд халдвар хамгааллын дэглэмийг сайтар баримтлан зохион байгуулахаар шийдвэрлэлээ.

Аймгийн мал, тэжээвэр амьтдын тооллогын комиссын бүрэлдэхүүнд шинээр нэмэгдэж  ЭМГ-н Л.Мянганбаяр дарга орсон бөгөөд аймаг, сум, багийн түвшинд тооллого зохион байгуулах бүх  тоологч нарыг 2020.12.16 -ны өдөр сумын ЭМТ-д шинжилгээнд хамруулан тооллогод гаргахаар боллоо. Мөн сумын тооллогын комисст ЭМТ-ийн ажилтнууд халдвараас урьдчилан сэргийлэх заавар зөвлөмжөөр хангаж хамтран ажиллах юм.