Дархан хотын 60 жилийн ой, Дархан сумын Малчин баг байгуулагдсаны 10 жилийн ойг  угтаж Малчин багийн иргэдийн санаачлагаар "Хөтөл хорооллоо ногоон хороолол болгоцгооё" аян өрнөж байна.

Тус аяны хүрээнд өнөөдөр /2021.05.10/ Малчин багийн 160 өрх тус бүрт 5 суулгацыг хүлээлгэн өглөө.  Нийт 6 төрлийн модны суулгац байгаа бөгөөд нарс, монос зэрэг агаар цэвэршүүлж, цөлжилтийг бууруулах давуу талтай моддыг тариалахаар сонгожээ.   Аяныг дэмжин дээрх суулгацуудыг Дархан-Уул аймгаас сонгогдсон УИХ-ын гишүүн Г.Дамдинням, Б.Жавхлан, Б.Баттөмөр, аймгийн ИТХ-ын дарга С.Насанбат, Дархан нэхий ХК болон иргэдээс хандивласан байна.

Түүнчлэн аймгийн Дархан-Уул аймгийн Байгаль орчин, аялал жуулчлалын газраас суулгацаа цаашид хэрхэн арчлах, усалгаа арчилгааг хэрхэн хийх талаар мэргэжил арга зүйн зөвлөгөө өгч ажиллах юм.