Увс аймгийн иргэдийн Төлөөлөгчдийн Хурал, аймгийн Засаг даргын Тамгын газар, Баруун бүсийн нутгийн хөгжлийг дэмжигч “Сайн тус” ТББ хамтран “Эрчүүдийн оролцоо манлайлал” сэдэвт төслийг хэрэгжүүлж байна. Төслийн хүрээнд мэдээлэл, мэдлэгтэй, эерэг хандлагатай өсвөр үеийнхэн болон иргэдийн хамтын оролцоог сайжруулан эрчүүдийн нийгэм дэх байр суурь, тэдэнд тулгарч буй асуудлыг хөндөн мөн тэднийг татан оролцуулснаар ямар эерэг болоод бат бэх гэр бүл оршин тогтох вэ гэдгийг онцолж байгаа юм. Уг төсөл 2021 оны 02-р сараас 11-р сар хүртэл үргэлжилнэ.