ОХУ-ын Тува улсын Дээд хурлын /парламент/ дарга Кан оол Тимурович Даваа тэргүүтэй төлөөлөгчид 2022 оны 05 дугаар сарын 17-19-ний өдрүүдэд Увс аймагт албан ёсны айлчлал хийж байна.

Айлчлалын хүрээнд өнөөдөр Увс аймгийн ИТХ ба ОХУ-ын Тува улсын Дээд Хурлын /Парламентын/ хамтын ажиллагааны гэрээг шинэчлэн байгуулах ёслолын арга хэмжээ зохион байгуулагдлаа.

Увс аймгийн ИТХ ба ОХУ-ын Тува улсын Дээд Хурлын /Парламентын/ хамтын ажиллагааны хүрээнд жил бүр уламжлал болгон зохион байгуулагддаг орос хэлний “Я люблю русский язык” уралдаан Ковид-19 цар тахлын нөлөөгөөр сүүлийн 2 жил завсарлаад байсан бөгөөд энэ сарын 18-ны өдөр ЕБ-ын 3-р сургууль дээр зохион байгуулагдахаар бэлтгэл хангагдаад байна.