Аймгийн иргэдийн Төлөөлөгчдийн Хурлын дарга О.Эрдэнэ-Өрнөх Ноён, Гурвантэс сумын Гэмт хэргээс урьдчилан сэргийлэх ажлыг зохицуулах салбар зөвлөлийн үйл ажиллагаа, тайлан мэдээтэй танилцаж, тус сумдад үйл ажиллагаа явуулж байгаа уул уурхайн компаниудын удирдлага, байгаль орчин хариуцсан албан хаагчидтай уулзалт зохион байгууллаа.

Уг уулзалтаар

- Даланзадгад-Баяндалай-Гурвантэс чиглэлийн хатуу хучилттай авто замаар баруун бүсийн уул уурхайн компаниудын тээврийн хэрэгслүүдийг зорчуулах,

- Уул уурхайн компаниуд нэгдэж Ноён, Гурвантэс сумаас хатуу хучилттай авто зам хүртэл технологийн зам тавих,

- Цаашид олон салаа замаар явж байгаль орчинд сөрөг нөлөө үзүүлэхгүй байх тал дээр анхаарч аймаг орон нутагтай хамтран ажиллах,

- Зам тээврийн осол, гэмт хэргээс урьдчилан сэргийлж ажиллах талаар болоод гамшгийн эрсдэлийг бууруулах орон нутгийн зөвлөлийн даргын хувьд үер ус, ган, зуд зэрэг болзошгүй эрсдэлээс урьдчилан сэргийлэх ажлыг үр дүнтэй зохион байгуулж ажиллахыг чиглэл болголоо.

Мөн ИТХ-ын дарга О.Эрдэнэ-Өрнөх болон холбогдох албаны хүмүүс Баянхонгор аймгийн Шинэжинст-Нарийн сухайтын нүүрс тээврийн зам хүртэлх 295,1 км авто замын нөхцөл байдалтай газар дээр нь танилцаж ажиллана.