Аймгийн ИТХ-ын дарга О.Эрдэнэ-Өрнөх Ноён, Гурвантэс суманд ажиллах үеэрээ Монгол Улсын Засгийн газраас хэрэгжүүлж буй Баянхонгор аймгийн Шинэжинст сумын Хотгорын уурхайгаас Өмнөговь аймгийн Гурвантэс сумын Нарийнсухайтын нүүрс тээврийн зам хүртэлх 295.1 км хатуу хучилттай авто замын төслийг Зам, тээврийн яам, Байгаль орчин, уур амьсгалын өөрчлөлтийн яам болон Монгол Улсын Ерөнхийлөгчийн зөвшөөрлөөр эхлүүлсэнтэй холбоотойгоор хатуу хучилттай авто зам барих ажлын үйл явцтай танилцлаа.

Зам, тээврийн яамтай тусгай зориулалтын авто зам барих, ашиглах гэрээ байгуулан ажиллаж буй "Сэкер ресорсус монголиа" ХХК-ийн үйл ажиллагаатай танилцан цаашид сум, орон нутгийн шийдвэрийг хэрэгжүүлж, зам тавих ажлын явцад ан, амьтан болон иргэдээс үүсэж болох эрсдлийг бууруулж хамтран ажиллах талаар үүрэг чиглэл өгч ажиллалаа.