ХЭНТИЙ АЙМГИЙН "СЭЦЭН ХАНЫ МЭРГЭД" БАГ УЛСЫН АВАРГА БОЛЛОО
Хэнтий аймгийн "Сэцэн ханы мэргэд" эмэгтэйчүүдийн баг 2025 оны 6 дугаар сарын 7-9-ны өдрүүдэд зохиогдсон "Үндэсний сур харваачдын Улсын аварга шалгаруулах багийн тэмцээн"- д анх удаа түрүүлж, түүхэн амжилт гаргалаа. Өнөөдөр Улсын аварга болсон эмэгтэй харваачид болон дасгалжуулагчийг аймгийн удирдлагууд хүлээн авч уулзан, баяр хүргэж, аймгийн Засаг даргын нэрэмжит "Хүндэт тэмдэг", "Хан Хэнтий Алдартан" тэмдэгээр шагнаж урамшууллаа. 1937 оноос хойш Хэнтийн харваачид улсын наадмаас медаль хүртэж байгаагүй бөгөөд энэ жил тэд 36 багаас 9 тоглолт дараалан хожсоноор багийн төрлөөр алтан медаль хүртэж "УЛСЫН АВАРГА" баг болж түүхэн амжилт бүтээлээ.
Засаг даргын "Хүндэт тэмдэг"-ээр:
Багийн дасгалжуулагч- Жамсранжав Энх-АмгаланАймгийн гарамгай мэргэн, спортын мастер- Өлзийбат ЛхагважавАймгийн гарамгай харваач- Ганхуяг Болор"Хан Хэнтийн Алдартан"-аар:Аймгийн мэргэн, спортын дэд мастер- Энхтуяа БуяндэлгэрАймгийн гарамгай харваач- Чимэд-Очир ТуулАймгийн тод харваач- Баяртүвшин АззаяаСумын мэргэн- Сайнбаяр Мягмарсүрэн нар тус тус шагнагдлаа. Хан Хэнтий нутгийнхаа нэрийг өндөрт өргөн нэгэн шинэ түүхийг бүтээсэн харваачид багш дасгалжуулагчиддаа баяр хүргэе 
АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН АЖЛЫН АЛБА
