Мөн “Түмэн тэмээний баяр”-ын нээлтийн арга хэмжээ, “Өсвөрийн аварга шалгаруулах шатрын тэмцээн”-ий нээлтэд оролцож, нутгийн ард иргэдтэй уулзалт зохион байгуулан Засгийн газрын бодлого, шийдвэрийг танилцуулж, иргэдийн санал хүсэлтийг сонслоо.

Иргэдтэй хийсэн уулзалтын үеэр хил орчмын асуудал болох Цагаандэл уулын сав газарт боомт нээх асуудал хөндөгдөв. Үүнтэй холбогдуулан Ерөнхий сайд дараах байр суурийг илэрхийллээ. Үүнд:

• Уг асуудал нь хоёр улсын Засгийн газар хоорондын хэлэлцээр болон Улсын Их Хурлаар шийдвэрлэгдсэн гэдгийг тодотгож,

• Байгаль орчин, нутгийн иргэдэд ээлтэй байдлаар зохицуулах боломжийг хамтран эрэлхийлэх,

• Нутгийн иргэдийн төлөөлөл болсон ажлын хэсэг байгуулж, АТГ, ЦЕГ, ТЕГ-ын хамтарсан ажлын хэсгийг ажиллуулахаар шийдвэрлэсэн байна.