Жил бүрийн тавдугаар сарын эхний долоо хоногийн Бямба, Ням гарагт дэлхий даяар уламжлал болгон тэмдэглэдэг “Дэлхийн нүүдлийн шувуудын өдөр”-ийг энэ жил “Шувуу бүр чухал – Таны ажиглалт үнэ цэнтэй” уриан дор зохион байгуулах гэж байна.
Тус арга хэмжээний нээлтийн үйл ажиллагаа өнөөдөр буюу 2026 оны 5 дугаар сарын 2-ны өдөр 13:00 цагт Даланзадгад хотын “Далангийн цөөрмийн мэдээллийн төв”-д зохион байгуулагдах юм.
Энэхүү шувуу ажиглах уралдаан, эвент арга хэмжээ нь Монгол Улсдаа анхдагч ажил болж байгаа бөгөөд Иргэд та бүхнийг хүрэлцэн ирж байгаль орчноо хайрлан хамгаалах үйл хэрэгт нэгдэж, шувуу ажиглалтын соёлыг түгээн дэлгэрүүлэх үйлсэд хувь нэмрээ оролцуулахыг хүсье.