Монгол Улсын 3 сая дахь иргэн Өмнөговь аймгийн Даланзадгад сумын Нэгдсэн эмнэлэгт 1 дүгээр сарын 24-ний өглөө эцэг Энхтүвшингийн Хатанболд, эх Ганбатын Аззаяа нарын гэр бүлд мэндэллээ.
Монгол Улсын Ерөнхийлөгч Ц.Элбэгдорж өнөөдөр Монгол Улсын гурван сая дахь иргэний гэр бүлийнхэнтэй утсаар ярьж баяр хүргэж, Монгол улсын 3 сая дахь иргэнд Монголжин хэмээх нэр хайралжээ.
Э.Хатанболдын Монголжин охин нь Монгол Улсын 3 сая, Өмнөговь аймгийн 59665, Даланзадгад хотын 22626, Баруунсайханы 1-р багийн 3645 дахь иргэнээр бүртгэгдсэн байна.
Энхтүвшингийн Хатанболдын гэр бүлд аз жаргал, эрүүл энх, энэ хорвоогийн хамгийн сайн сайхан бүхнийг хүсэн ерөөе, Монголын үрс маш олон болох болтугай.
President.mn
Холбоотой мэдээ
Сэтгэгдэл үлдээх
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.