Аймгийн Иргэдийн Төлөөлөгчдийн Хурлаас  төрийн үйлчилгээг жигд, хүртээмжтэй шуурхай үзүүлэх бодлого баримтлан хотын төвөөс алслагдмал байрлалтай гэр хорооллын иргэдийг шинэ баг болгон зохион байгуулж эхэлсний нэг нь 12-р баг юм.

Тэдний ая тухтай амьдрах таатай орчин нөхцөлийг бүрдүүлэхээр аймгийн ИТХ-ын 6 дахь удаагийн сонгуулийн 10-р хуралдаанаар баталсан замын сангийн хөрөнгөөр хийгдэх төсөл, арга хэмжээний жагсаалтад орсон “Гашуун хорооллын чиглэлийн замыг засаж сайжруулах”, “Чандманы 1-р буудлаас 2-р буудал хүртэлх замыг засаж сайжруулах” зэрэг ажлыг эхлүүлэхээр газар дээр нь очиж ажиллав.

Аймгийн ИТХ-ын дарга Ч.Чимэд, ГХБХБГ-ын дарга Г.Отгонболд, АЗДТГ-ын ХБХ-ийн мэргэжилтэн Б.Цэцгээ, ХААА-ны ахлах мэргэжилтэн В.Даваа нарын бүрэлдэхүүнтэй ажлын хэсэг дээрх газрууд дээр очиж замын трассыг гаргаж болох нөхцөл байдалтай танилцлаа.

Энэ бол аймгийн ИТХ-аас барьж буй ард иргэдээ ая тухтай, хоггүй, цэвэр цэмцгэр орчинд амьдруулах бодлогын нэг юм.

Аймгийн ИТХ-ын ажлын алба