Монгол Улсын Ерөнхий Сайд Ч.Сайханбилэг Увс аймгийн төв Улаангомд ажиллаж байна. Ерөнхий сайдын Увс аймагт хийж буй томилолт Маршал Ю.Цэдэнбалын талбайд цэцэг өргөж хүндэтгэл үзүүлснээр эхлэлээ. Үүний дараа аймгийн удирдлагуудтай уулзаж, Увс аймгийн цаг үеийн асуудлаар ярилцаад аймгийн бүтээн байгуулалт хөрөнгө оруулалтын ажилтай танилцаж, иргэдтэй уулзалт хийх юм байна.

Eрөнхий сайдтай цуг Зам тээврийн сайд Д.Зоригт, ЗГХЭГ-ын дэд дарга Г.Ганболд, Сангийн яамны газрын дарга С.Наранцогт, ХМОНХА-ны дарга Б.Цээпэл, АТҮТ-ийн тээврийн газрын дарга Ж.Энхбат, ИНЕГ-ын даргын үүргийг түр орлон гүйцэтгэгч Г.Нямдаваа, Зам тээврийн яамны АЗТБХЗГ-ын дарга Д.Доржханд, Газрын тосны газрын дарга Г.Өлзийбүрэн, Ерөнхий сайдын зөвлөх Х.Ержан, Ерөнхий сайдын зөвлөх Р.Булгамаа, Ерөнхий сайдын зөвлөх Б.Батбаатар болон бусад албаны хүмүүс ирсэн байна.

Аймгийн ИТХ-ын ажлын алба