Аймгийн Гэмт хэргээс урьдчилан сэргийлэх ажлыг зохицуулах зөвлөл 2017 оны нэгдүгээр сарын 27-ны өдрийн хуралдаанаар 2017 оныг “Хүүхдийг гэмт хэрэг үйлдэхээс урьдчилан сэргийлэх жил” болгон зарлалаа. Энэ хүрээнд хүүхэд оролцсон гэмт хэрэг, зөрчлийг бууруулах олон талт арга хэмжээг төр, төрийн бус байгууллага, эцэг эх, багш, сургуулийн хамт олныг хамруулан зохион байгуулахаар төлөвлөөд байна. Түүнчлэн сумдын гэмт хэргээс урьдчилан сэргийлэх ажлыг зохицуулах салбар зөвлөлийн ажлыг эрчимжүүлэх зорилгоор жилийн турш үргэлжлэх болзолт уралдааныг  мөн зарлахаар шийдвэрлэжээ.