Аймгийн Засаг даргын 2016-2020 оны үйл ажиллагааны хөтөлбөрийг хэрэгжүүлэх, иргэдийн эрүүл аж төрөх ёсыг хэвшүүлэх, нийтийн биеийн тамираар хичээллүүлж эрүүл мэндийг бэхжүүлэх, хөдөлгөөний дутагдлаас сэргийлэх зорилгоор "Зорилготой ирээдүй-Залхүүгүй өглөө" өглөөний гүйлт, гимнастик хийх ажлыг эхлүүлж байна.

Сумын ахмадын баяр өргөн дэлгэр сайхан боллоо. Ахмадууд маань урт удаан наслах болтугай. Ахмадын баярын үйл ажиллагааг дэмжиж ИТХ, ЗДТГазар, Аялал жуулчлалаар бизнес эрхлэгч 3 иргэн нийт 999 мянган төгрөгийг хандивлав.

Дэн, Дал, Хавцгайт зэрэг хөдөөгийн гурван багийн хурал амжилттай болж өндөрлөлөө. 2018 онд суманд хийгдсэн ажлын талаар мэдээлэл өгч ЗДТГ-ын ХАА, Даатгал, БОрчин г.м салбарын холбогдох мэргэжилтнүүд мэдээлэл хийлээ. Багийн эмч нар эрүүл мэндийн үйлчилгээ үзүүлж ажилласан бөгөөд багууд ОНХС-ийн санал эрэмбэлэх, газрын асуудал, багийнхаа дотоод асуудал зэрэг олон асуудлыг хэлэлцэж, иргэдийнхээ саналыг сонслоо.

Витсамо Фрут Жүүс ХХК-ийн захирал Ц.Очирхуяг НУТГИЙНХАА бизнес эрхлэгчтэй уулзалт ярилцлага хийж. Цаашид хамтран ажиллах талаар санал солилцлоо.

2018 оны 03 сарын 02-нд "Эх орончдын өдөр"-ийг тохиолдуулан цэцэрлэгийн ахлах, дунд бүлгийн хүүхдийн дунд бөхийн барилдаан зохион явууллаа.